Bilavasitə tabe olduğu şəxs: Şöbə müdiri
İkinci dərəcəli tabe olduğu şəxs: Baş direktor

Funksional vəzifələri:

• Həftəlik, Aylıq və illik satış ilə bağlı analitik hesabatların hazırlanması və birbaşa rəhbərinə təqdim olunması
• Satış dinamikasının mütəmadi izlənməsi və analizlərin aparılması
• Qısa və uzun müddətli satış proqnozlarının hazırlanması və planlaşdırılması
• Riyazi və statistik üsullardan istifadə edərək məlumatların təhlil olunması
• Böyük şəbəkələrlə üzləşmələrin təşkili
• Mövcud rutların optimallaşdırılması, təhlili və təftişi
• Satış ilə bağlı təqdimat, müqavilə və s. sənədlərin hazırlanması
• Satışa nəzarət və satış şöbəsinə vaxtında və dəqiq məlumat vermək məqsədilə ödənilmiş qaimə fakturalar ilə hazırlanmış fakturaların üzləşdirilməsi
• Kassa əməliyyatlarının həyata keçirilməsi, qarşılıqlı hesablaşma və üzləşmə aktlarının tərtib edilməsi;
• Pul vəsaitlərinin hərəkəti ilə bağlı əməliyyatları mühasibat hesablarında əks etdirilməsi və kassa hesabatlarının yoxlanması;
• Gündəlik kassa əməliyyatlarının, təhtəlhesab, balans, avans hesabatının aparılması;
• İlkin sənədlər və mühasibat yazılışları əsasında vergi və mühasibat hesabatlarının tərtib olunması və qanunvericilikdə müəyyən edilmiş müddət ərzində müvafiq dövlət orqanlarına göndərilməsi;
• Mal/Xidmətlərin, müqavilə və sifarişlərin yoxlanılması;
• Müştərilər ilə üzləşmə aktlarını / hesabatlarını hazırlamaq;
• Debitor balans hesabatını müvafiq maraqlı tərəflərlə təhlil etmək;
• Hesabların müxabirləşməsini nəzərdən keçirmək, araşdırmaq, səhvlikləri və uyğunsuzluqları aradan qaldırmaq;
• Debitor borclar üzrə tələb olunan, korporativ hesabatların və digər daxili hesabatların hazırlanması və aidiyyatı üzrə təqdim edilməsi;
• Digər gündəlik və aylıq debitor hesablar üzrə əməliyyatların yerinə yetirilməsi və iclasların təşkili;
• Debitorların izlənilməsi və ödənişləri təmin etmək, hesabların yazılması, gündəlik E-qaimə tərtib edilib göndərilməsi;
• İadələrin sistemə (Proqrama) qeydiyyatının aparılması və aidiyyatı üzə bölüşdürülməsi;
• Satış qaimələrinin geri dönüşdə yoxlanılması və yaranan problemlərin (qiymət və ya məhsul girişlərinin) aradan qaldırıması;
• Rəhbərlik və digər stukturlar tərəfindən birdəfəlik hesabatlarla bağlı sorğuların vaxtında cavablandırılması;

Hüquq və səlahiyyətləri:

• Normal iş şəraiti ilə təmin olunmaq;
• Səlahiyyətinə aid olan məsələlər üzrə işlədiyi təşkilatı müəyyən olunmuş qaydada digər təşkilatlarda təmsil etmək;
• Səlahiyyətinə aid olan məsələlər üzrə təkliflər ilə çıxış etmək;
• Rəhbərliyin çağırdığı müşavirələrdə səlahiyyətinə aid olan məsələlərin müzakirəsində iştirak etmək;
• Təşkilat daxilində qarşılıqlı əlaqə bağlılığı olan şöbə və bölmələrdən səlahiyyəti çərçivəsində lazım olan məlumatları tələb etmək;
• Əmək qanunvericiliyi və digər normativ sənədlərlə müəyyən olunmuş digər hüquq və səlahiyyətlər.

Məsuliyyəti:

• Vəzifə standartı və digər normativ sənədlər ilə müəyyən edilmiş əmək funksiyasını vicdanla yerinə yetirmək;
• Əmək intizamına və müəssisədaxili intizam qaydalarına əməl etmək;
• Əməyin təhlükəsizliyi normalarına əməl etmək;
• İşəgötürənə vurduğu maddi ziyana görə məsuliyyət daşımaq;
• Dövlət sirrini, habelə işəgötürənin kommersiya sirrini müəyyən olunmuş qaydada və şərtlərlə gizli saxlamaq;
• İş yoldaşlarının əmək hüquqlarını və qanuni mənafelərini pozmamaq;
• İmzaladığı sənədlərə şəxsən və şərtsiz məsuliyyət daşımaq.
• Fərdi, kollektiv əmək mübahisələri üzrə məhkəmə qərarlarını (qətnamələrini) yerinə yetirmək;
• Əmək qanunvericiliyinin və fəaliyyətini tənzimləyən digər normativ sənədlərin tələblərinə əməl etmək.

Bilik və bacarıqları:

Təhsil: İqtisadiyyat, maliyyə/mühasibatlıq və ya biznes idarəçiliyi üzrə ail təhsil;

Təcrübə: Müvafiq sahə üzrə ən azı 1 il iş təcrübəsi;

Bilməlidir:

• Əsas maliyyə hesabatları; Balans hesabatı, Mənfəət/ Zərər hesabatı, Pul vəsaitlərinin hərəkəti və s. hesabatların hazırlanmasını;
• Sürətli və effektiv Excel və 1C proqramı bilikləri;
• Vergi prosedurları bilikləri, illik audit və hesabat prosedurları, ödəmə üsulları / satınalma prosesi haqqında məlumat;
• Azərbaycan, rus, ingilis dillərində sərbəst yazmaq və danışmaq bacarığı;

Bacarıqlar:

• Güclü proses və planlaşdırma düşüncəsi;
• İşə strukturlaşdırılmış və proses yönümlü yanaşmaya malik olmalı;
• Məsuliyyət, düzgünlük, dəqiqlik və etibarlılıq kimi müsbət göstəricilərə sahib olmaq;
• Stres altında işləməyi və stres vəziyyətlərdə qərar qəbul etməyi bacarmalı;
• Planlı işləmə bacarığı və işə sistemli və nəticəyönümlü yanaşma bacarığı;
• Ünsiyyət yaratmaq, dinləmək qabiliyyətinə malik olmalı;
• İdarəetmə qabiliyyəti yüksək səviyyədə olmalı;
• Analiz etmək, vaxtın idarə olunması, səbirlilik, komandada işləyə bilmək və baş verən hadisələrdə zamanında çevik və doğru qərar vermək kimi bacarıqların olması.

[email protected]