Səudiyyə Ərəbistanı 2025-ci ilin sonunadək İbrahim sazişlərinin bir hissəsi ola bilər.
Bunu ABŞ Prezidenti Donald Tramp “Time” jurnalına müsahibəsində deyib.
“Bəli, mən belə düşünürəm”, – o, müvafiq suala belə cavab verib.
D.Trampın sözlərinə görə, Yaxın Şərqdə sülh hökm sürür: “Hesab edirəm ki, tezliklə yeni ölkələr İbrahim sazişlərinə qoşulmağa başlayacaqlar. Mən bunu həqiqətən bilirəm”.
O əlavə edib ki, İsrail və Səudiyyə Ərəbistanı yaxın vaxtlarda münasibətlərin normallaşdırılması haqqında saziş bağlaya biləcək. “Düşünürəm ki, buna çox yaxınıq”, – ABŞ Prezidenti vurğulayıb.
