Rusiya-Ukrayna müharibəsinin 57-ci günü

17:40 — Ukrayna ilə Rusiya arasında növbəti əsir mübadiləsi olub.

17:25 — Latviya və Estoniya parlamentləri Rusiyanın Ukrayna xalqına qarşı soyqırım törətdiyini tanıyan bəyanatlar qəbul ediblər

14:40 —Peskov, həmçinin Türkiyə prezidenti Rəcəb Tayyib Ərdoğanla Rusiya lideri arasında yaxın günlərdə danışıqların gözlənilməsi barədə məlumatlara aydınlıq gətirib. O, Ərdoğan və Putin arasında telefon danışığının Kremlin gündəliyində olmadığını diqqətə çatdırıb.

11:10 — Şoyqu Mariupolun tam nəzarətə götürüldüyünü Putinə məruzə edib.

11:05 — Çinin dövlət şirkətləri PetroChina, Sinopec, Sinochem və CNOOC isə may ayı üçün rus nefti ticarətində iştirak etməmək qərarı alıb.

10:20 — Rusiya və Ukrayna arasında Rusiya Xarici İşlər Nazirliyində demək olar ki, hər gün video formatında danışıqlar davam edir.

08:12 — Litvanın müdafiə naziri Arvidas Anusauskas bildirib ki, ölkəsi Ukraynaya dəyəri on milyonlarla avro olan minaatan partiyasını təhvil verib.

07:41 — Bayden Ukraynadakı vəziyyətlə bağlı bəyanatla çıxış edəcək.

04:30 — Rusiya Ukraynanı dəstəkləyən ölkələrə qarşı kiberhücum hazırlayır, The Guardian bildirir.

03:52 — Boris Conson: Zelenski Donbas məsələsində maksimalist mövqe tutur.

02:30 — Döyüşlərin aktiv mərhələsi mayın 9-dək davam edəcək – Ukrayna Prezident Ofisinin rəhbərinin müşaviri Oleksiy Arestoviç.

01:39 — ABŞ-ın Ukraynaya göndərdiyi haubitsa sursatları Avropaya çatıb.

01:03 — Zelenksi: “Ukraynanın Mariupolda Rusiyanı məğlub etməyə yetəcək silahı yoxdur.

00:24 — Türkiyə xarici işlər naziri Mövlud Çavuşoğlu ötən gün bunları deyib:

• • • Rusiya və Ukrayna liderlərinin Türkiyədə görüşmək ehtimalı hələ də aktualdır.
    • Bəzi ölkələr Rusiya-Ukrayna müharibəsinin davam etməsini istəyir.
    • Çinin tərəf tutması müharibənin gedişatını dəyişə bilər.
    • Çin tez-tez Ukraynanın ərazi bütövlüyünü vurğulayır. O, hadisələrin diplomatiya yolu ilə həll edilməli olduğunu da tez-tez qeyd edib.
    • Çini bəyənsəniz də, bəyənməsəniz də supergücdür. Çinin tərəf tutması müharibənin gedişatını dəyişə bilər. Çin şirkətlərinin sanksiyaları pozmaqda ehtiyatlı olduğunu da gördük.
    • Qərb ölkələrinə görə Türkiyə PUA-ları Qarabağda qatil idi, Ukraynada sanki mələyə döndü.
    • Türkiyə və NATO-nun müttəfiqləri Ukraynanın təhlükəsizlik zəmanəti tələbinə razılıq verməyib. Ukraynanın indiki şəkildə tələb etdiyi zəmanətləri NATO-nun 5-ci maddəsinə uyğun olduğu təqdirdə belə, ABŞ və Türkiyə daxil olmaqla, heç bir müttəfiq ölkə qəbul edə bilməz. Türk əsgəri Ukraynada Rusiyaya qarşı vuruşa bilməz.