İyirmi altı ildir həm ölkə paytaxtında, həm də regionlarda kadrların işə qəbulu və onların karyera inkişafına öz töhfəsini verən “Yelo Bank” hal-hazırda da gənc və təcrübəli mütəxəsisslərə iş imkanları təqdim edir.

Karyerasını “Parlaq bankçılıq”da inkişaf etdirmək istəyən namizədlərimiz üçün hazırda “Bisnez Risklərinin İdarəedilməsi Departamentində Girov Əmlakının Qiymətləndirilməsi şöbəsində Şöbə müdiri” vakansiyasını elan edirik.

Siz elektron poçtun “mövzu” yerinə “Qiymətləndirmə_ŞM” qeyd etməklə öz CV-lərinizi [email protected] ünvanına göndərə bilərlər.

Struktur: Bisnez Risklərinin İdarəedilməsi Departamenti / Girov Əmlakının Qiymətləndirilməsi şöbəsi
Vəzifə: Müdir
Bilavasitə tabeçiliyi: Departament direktoru

Vəzifə öhdəlikləri:

• Girovun təminatı kimi təklif olunan və ya bankın mülkiyyətində olan daşınmaz əmlakların ekspertizası
• Girov kimi təqdim edilən əmlakın eyniləşdirilməsi, texniki və mülkiyyət sənədləri ilə uyğunsuzluqların aşkar edilməsi, texniki qüsurların və qiymətə təsir edə biləcək digər amillərin müəyyənləşdirilib təhlil edilməsi;
• Girov predmeti olan əmlakın həqiqi bazar və asan satış (likvid) qiymətinin təyin edilməsi;
• Bankın daxili qaydalarında nəzərdə tutulduğu halda təminat kimi çıxış edən obyektə baxış keçirilməsi və şəkillərin çəkilməsi, girovun təqdim olunan sənədlərə uyğunluğunun və texniki göstəricilərinin yoxlanılması;
• Təqdim olunan əmlakın likvidlik dərəcəsinin təhlil olunması;
• Keçirilən ekspertiza haqda hesabatların hazırlanıb təqdim olunması (qiymətləndirmə aktı);
• Bankdankənar müstəqil qitmətləndirici şirkətlər tərəfindən təqdim olunan aktların təhlil olunması və yekun hesabatların hazırlanıb təqdim olunması;
• Girov qoyulmuş əmlakların hər il təkrar qiymətləndirilməsi və monitorinq olunması;
• Təqdim edilən kredit sifarişlərinin reyestrdə qeydiyyatının aparılması;
• Analitik hesabatlar yaradılması məqsədi ilə hesabatların hazırlanması;
• Əmlakın bankdaxili qaydalarda təyin edilmiş müddətdə və keyfiyyətli ekspertizanın həyata keçirilməsi, rəhbərlik etdiyi şöbənin effektiv iş fəaliyyətinin təşkil olunması;
• Şöbənin əməkdaşlarının keyfiyyətli və effektiv iş fəaliyyətinə nəzarət olunması;
• Şöbənin cari və uzunmüddətli məqsədlərini yerinə yetirilməsi üçün Şöbə əməkdaşlarına planların təyin edilməsi;
• İldə bir dəfədən az olmamaq şərti ilə əməkdaşlarının və bütövlüklə şöbənin fəaliyyətinin qiymətləndirilməsi;
• Şöbənin fəaliyyəti haqda hesabatların hazırlanıb rəhbərliyə təqdim olunması;
• Əmlakın qiymətləndirilməsi prosesində boşluqların müəyyən olunub onların aradan qaldırılmasında iştirak etmək;
• Bankın digər struktur bölmələri ilə effektiv əməkdaşlığın təşkil olunması;
• Bankdankənar müstəqil qiymətləndiriçilərin akkreditasiyası və seçilməsi prosesində iştirak etmək, bankdankənar qiymətləndiricilərnən iş fəaliyyətinin təşkil olunması və onların təqdim etdiyi işlərinin keyfiyyətinə və vaxtında yerinə yetilrilməsinə nəzarət etmək;
• Birbaşa rəhbərin tapşırığı ilə digər tapşırıqlarının yerinə yetirilməsi.

Tələblər:

• Bankın dəyərlərinə uyğun işlərin təşkili;
• Ali təhsil;
• Aidiyyatı sahə üzrə (maliyyə təşkilatlarının qiymətləndirmə şöbəsində və ya qiymətləndirmə şirkətlərində təcrübə) 5 il iş təcrübəsi (idarəetmə təcrübəsi arzuolunandır);
• Aidiyyatı sahə üzrə sertifakatların (diplomların) olması arzuolunandır;
• Yüksək dərəcədə analitik qabiliyyət
• Təşkilatçılıq bacarığı;
• Səmərəli ünsiyyətqurma bacarığı;
• Komanda ilə işləmə bacarığı;
• İşlərini planlaşdırmaq bacarığı;
• Məsuliyyətlilik.

Biz Sizə nə təklif edirik:

• Öz bilik və bacarıqlarınızı nümayiş və inkişaf etdirmək üçün rahat iş şəraiti;
• Performansın illik qiymətləndirməsi və gələcək karyeranızın qurulması üçün geniş imkanlar;
• Sınaq müddəti bitdikdə Könüllü tibbi sığorta proqramına qoşulma;
• Əmək qanunvericiliyinə uyğun iş şəraiti;
• Müasir idarəetmə sistemi və mehriban kollektiv.